الابطال الحقيقيين المنسيين

بيصيبنى شعور من الحيرة الغريبة لما اشوف فنان قصتة متمركزة على احوال البشر المهمشين الفقراء سواء كان كتاب أولوحة أو صورة فتوغرافية ..ايا كان ,,

بتشد ناحية المحتوى بكل جوارحى واسرح فى موهبة الكاتب او المصورأوالرسام صاحب القصة ويعجبنى طريقتة فى وصف الحالة كأنة هو صاحب الحال , فبالتالى يستحق جايزة وكل تقدير لقصتة ومن حقة تذيد شهرتة بسبب موهبتة , ولكن الازمة هى المادة الخام او صاحب الحال نفسة , هو فين من كل دة ؟! هو البطل وهو الحياة الى انا اتأثرت بيها لكنة ما ذال مهمش وبيزداد فقر وهموم وممكن يموت من الجوع او البرد .

رغم حبى للابداع وللفكرة الى ممكن تطلع حتى من بلاعة مجارى 

ترفع صاحبها السما لكنى بحس ان دة نوع من التجارة.

 لو صاحب الفكرة الاصلى لم ينل جزء من الشهرة ولا حتى جزء من جايزة .

وللاسف انا كمان تاجرت بيك :"(

خليك نفسك

سبب كتابتى للكلام دة أنى فعلا حاسس بضيق شديد من كم الجنان الى بشوفة حوليا من ضمن الحاجات الى بتعصبنى جدا لما بلاقى حد انا اعرفة عايش فى شخصية غيرة مع انى حابب أشوفة على حالتة الى انا عرفتة عليها مش عارف الى بيتقمس دة بيعمل كدة لية ؟
هوة مفكرها هتعلى من شأنة أو هتذود من محبة الناس ليه ؟! بل بالعكس دى هتنقلة لمنطقة صراع مع نفسة , نفسة الى كل شوية بتتضائل لحد ماتختفى وتكبر فية الشخصية الى مش بتاعتة لدرجة انها ممكن توصلة للجنون .
فى يوم كنت بحكى مع عمى فى الموضوع دة وهو مستشار فنى فى أحدى المجلات قالى (( أن الى بيتقمس شخصية غيرة دة انسان غبى لانة فى وقت من الاوقات مش هيلاقى   نفسة يبقى ليس الا انسان من داخلة فاضى )) 

وفى النهاية ياريت يا حبيب هارتى تخليك نفسك احسنلك الى ربنا خلقك بيها وميزك عن غيرك بحجات كتييييير , ودور على ميزتك وصدقنى هتلاقى الى يقدر فيك دة وهتلاقى       

                                         :-) اصحاب تعتذ بيهم ويعتذوا بيك وهاتعيش حياة افضل 

الممــــــــيز

المميز اسم يدل على نفسة لا يحتاج الى شرح وللاسف يطلق على نوع من انواع القطارت فى مصر وهذا القطار لا يوجد فيه أى ميزه تذكربل بالعكس كله مساوئ لا يوجد بداخله نظام بالمرة , وحين ركبت هذاالقطارشعرت انه ملك للباعه الجائلين وللمتسولين الذين يبدعون أساليب لا تخطر على بال احد حتى ينالوا ( الى فى النصيب ) رأيت امراه تجر بطفلة وتقول انها تحتاج الى غسيل كلوى كل شهر وتحتاج للمساعدة تمعنت جيدا رايت المرأه ماسكة بكيس من الاستره الذى يضعه المريض بعد العمليه منظريجعل الجسد تنتابه القشعريره وطريقة المرأه فى السؤال تدل على انها كررتها اكثر من مره وتستخدم هذه الطفلة للتجارة فقط . وعندما تسمع أصوات غريبه تصدر لا تعلم من اين تعلم انه ( بتاع الشاى) الذى لسعنى فى زراعى اكثر من مرة ولا يبالى بعدة مرات اخرى , وترى احد الركاب عندما تركب القطار يحجز عدة كراسى , وعندما سالته هل يوجداحد جالس هنا قال نعم فاحترم كلامه واذهب للبحث عن اخر فارغ ,و بعد عدة محطات وانا امشى فى طرقة القطار ارى ان هذا الرجل قد حجز هذه الكراسى بالفعل ولكن له وحده ( كرسى يقعد عليه والثانى لرجله ) وفى النهاية احمد ربى اننى وصلت الى المحطه المرغوبة سالم من هذا القطارالمميز. لا اشكو من شىء ليس ان مظهرى الخارجى يبدو وكانى اخرج من منجم فحم.

بواسطة : أبو حنفى