ثورة 25 يناير .......... وبعدبن؟!

ياترى حد حاسس ان الثورة دى غيرت حاجة غير النظام او الناس الى باينة من النظام ؟؟ هل الفساد بدا يذول هل حقك بتاخدة كامل ؟؟ مليون سؤال فى بالى عن حالنا بعد الثورة انا مش شايف غير ان كل حاجة رجعت لمكانها زى الاول ويمكن أكتر . هل المؤاسسات بدات تشتغل بروح الثورة باان(( لا مافيش اى فساد من هنا ورايح)) ولا حصلت حالة رخاوة يعنى مثلا وزارة التموين لية متنزلش مفتشين جدد بدل الى قاعدين وشايفين كل السرقة الى عينى عينك فى حقنا زى العيش مثلا مفتش التموين بيبقى واقف (( خيال مئاتة)) ولا لية اى دعوة باى حاجة لو حد اخدتة الحرارة وحب يسالة هوة مافيش عيش طالع لينا لية ؟ يقولة اقف بس فى دورك وهما هايمشو الطابور دلوقتى يروح يقف ياعينى لحد متقفل الفرن ومياخدش رغيق حتى والى واقف فى الكشك كمان عامل فيها وزير سابق كانة ولامؤاخذه مالك قوت الناس الى فى الطابور بيتكلم من مناخيرة ووخداة الجلالة قوى على اية مش عارف دة انت حتى أجرى شغال عشان تخدمنا يلا انا عازرة بردة 30 سنة مافيهومش غير (( السرقة )) والله حتى الناس مش قادرة تحس ان دة حقها وأنة لو اى حد مكلف بمهام خدمتهم قصر يحاسبوا انما اتغلغل الخوف فى قلوب اغلب الناس الى طاحنها الفقر خوفة انة يتكلم يموت من الجوع ولا ميلقاش الكام رغيف الى بيتكرم بيهم علية صاحب الفرن دة اذا كان بياخدهم اصلا 30 سنة معيشين الناس فى جوع ومجارى عشان يشغلوهم عن الى حاصل , ازاى هاكل بكرة طيب هادفع الايجار ازاى طيب مصاريف العيال... الخ وانا مش شايف اى تغير ملموس بعد الثورة غير ان حرية التعبير , و مهرجانات الفن فى الشوارع وورش الرسم اخدو راحتهم . كل دة جميل "طيب".... وبعدين

بواسطة/ ابو حنفى